Historia dalla secziun Bostg

Fundaziun
La fundaziun dalla secziun da catschadurs Bostg ha giu liug ils 16 d’'uost 1985 el hotel Grotta a Vuorz. Ei suondan diras dispetas culla suprastonza centrala pintga (engerer ZV, BKPJV).
Alla radunonza da delegai dil BKPJV dils 26-4-1986 a Ftan ei la secziun Bostg prida si sco 72-avla secziun el BKPJV.
Ulteriuras carplinas han ils cunfins dalla nova secziun dau. La decisiun definitiva ei curdada dalla radunonza dil district da tgira II ils 25-3-1988, che ha confirmau ch’ ils cunfins dalla secziun seigien identics culs cunfins da tgira, respetiv culs cunfins dallas 5 vischnauncas (Vuorz, Andiast, Pigniu, Siat e Rueun). Cunquei ei il territori dalla secziun era identics cul territori dil survigilader da catscha.

Activitads
Sera familiara cun exposiziun da trofeas
Dapi la fundaziun ha mintg’'onn liug (schaner/fevrer) ina sera familiara cun exposiziun dallas trofeas dalla catscha vargada. Quell’'occurenza ha liug alternativamein en ina dallas vischnauncas dalla secziun e vegn organisada dils commembers dil liug. Igl ei ina excellenta caschun da tgirar la cameraderia e da discutar –cun empau distanza sur dalla catscha ed ils schabetgs da catscha.

Tgira
La tgira ei vegnida organisada dall’'entschatta enneu bein e la participaziun ei buna.
Il cau da tgira dalla secziun tschenta si ensemen cun ils caus da tgira locals il program da lavur.
La primavera (avrel) ha liug mintgamai igl emprem gi da tgira. Per ordinari vegn quei gi tagliau anavos caglias. La stad (fenadur/uost) vegn segau aclas ni cuolms buca cultivai pli. Per part schabegia quei en liugs buca accessibels pli sco per exempel l’acla dil Bostg, nua che tut vegn segau a maun. Igl atun vegn per ordinari segau palius aultas.

Tir da catscha intern
Sin in agen stand da sittar dalla secziun Bostg, situaus sur il vitg d’'Andiast, vegn mintg’'onn igl uost sittau nies tir intern. Ils commembers fan stediamein part da quei tir, seigi quei per sittar en la buis, per semiserar culs auters tiradurs ni era per sentupar cun cumpogns culs medems sentiments e discussiunar sur dallas catschas vargadas ni era sur dalla vegnenta.

Sittau vegn tenor in reglament da tir:
5 siets sin schiba camutsch e 5 siets sin schiba cavriel, quei dat la cumbinaziun!
Lu il campiunadi: mintgamai 3 siets en venter, en seser e sin peis!
E la finala in steh special, pil mument sin schiba da mutaniala.
Suenter il tir ha liug la rangaziun el hotel Postigliun ad Andiast.